بحر الاسرار
طير صغير
عدد الرسائل : 105
العمر : 27
تاريخ التسجيل : 24/01/2009
 |  موضوع: عيلة اردنية ديمقراطية جدا  السبت فبراير 07, 2009 8:22 am | |
| عيلة أردنية ديموقراطية جداً   الأب مخاطب الابن : تعال وله
الابن و بكل براءة : نعم
الأب :نعامة ترفصك .... تعال وله
الابن : ليش شو سويت؟
الأب : سواك ضريب يخلع رقبتك
الابن : شو فيه؟
الام : شاوي يشوي عضمك ....رد على ابوك بأدب وله
الابن : هوه انا حكيت شي؟
الأب:حكحكوا جنابك بالعصايه اوقف عدل يا حيوان
الابن : حاضر
الأم :يحضروا على قبرك انشالله ... لما ابوك يحكي انت بتخرس
الابن :أخرس؟
الأب : ايوه ان شالله خرسه
الابن: ماشي
الأم: اجاك مشش بركبك ما تقوم منه انشالله
الابن :مشش ؟؟؟ شو هاذا المشش؟؟
الأب: اما انك قليل حيا ...وبترد على امك كمان ؟ هات العصاي وتعال وله
الابن: انا رديت على امي؟ يمّـه احكي كلمه
الأم: موا يمزع نيـعـك وله ....حكيتلك اخرس
الابن الان اصبح مغلوب على امره ومش فاهم ايش الموضوع وصمت
الأب: أما جيل قليل حيا...احكي وله ... مالك انخرست
الابن : شو احكي؟ اذا حكيت بتقولوا عني قليل حيا وبتشوفوني غلط
الام :حيه الي تقرصك انشالله ... قلتلك تأدب وانت بتحكي مع ابوك
الأب : ايش "بتشوفوني غلط" هاي ... شايفنا عميان ولا حول ؟
الابن : لا اله الا الله
الأم : الله يوخذك انشالله ..... يا ريتني خلفت ابن الجيران ولا انت
الأب: انا مش عارف هاذا الولد متى بده يصير زلمه...دايما فاظحني بين الرجال
الابن: طيب شو اعمل عشان تشوفني زلمه ؟
الأب: قلتلك اخرس وله
الابن: يا الله ... يا الله ... يا جماعه شو مالكوا ... شو فيه ؟
الأم: اه صحيح انت ليش ناديت عالولد يا زلمه ؟
الأب :بتصدقي يا مره اني نسيت.... نساني شو كنت بدي منه هالكلب
الاب : خلص روح ارجع على غرفتك يابا .
| |
|
الطير الحزين الشادي
المدير العام
عدد الرسائل : 569
العمر : 31
تاريخ التسجيل : 17/01/2009
| | موضوع: رد: عيلة اردنية ديمقراطية جدا السبت فبراير 07, 2009 9:52 am | |
| هههههههههه
يعطيك العافية
في انتظار المزيد من مشاركاتك | |
|
حبيبي ضايع
طير صغير
عدد الرسائل : 250
العمر : 30
تاريخ التسجيل : 24/01/2009
| | موضوع: رد: عيلة اردنية ديمقراطية جدا الأحد فبراير 08, 2009 8:23 am | |
| ههههههههههههه
نااااار حلوة كتير
تحياتي لك | |
|
